பிரியதர்ஷினி கல்லூரியில் முதல் வருட மாணவர்களுக்கு வரவேற்பு
9/17/2014 2:19:17 PM
திருவள்ளூர்: திருவள்ளூர் பிரியதர்ஷினி பல் மருத்துவக் கல்லூரி மற்றும் மருத்துவமனையில் முதலாமாண்டு மாணவர்கள் வரவேற்பு விழா நேற்று நடைபெற்றது.இந்த விழாவுக்கு, இந்திரா கல்விக் குழும தலைவர் வி.ஜி.ராஜேந்திரன் தலைமை தாங்கினார். கல்லூரி நிர்வாக அறங்காவலர் இந்திரா ராஜேந்திரன், டீன் டாக்டர் அருணாசலம் முன்னிலை வகித் தனர். கல்விக்குழும தலைவர் வி.ஜி. ராஜேந்திரன் பேசுகையில், ‘மாணவர்கள் தங்களது பெற்றோர்களின் கனவை நனவாக்க வேண்டும். எனவே, மருத்துவ பட்டப்படிப்பு படிக்கும் நீங்கள் உங்களது திறமைகளை வெளிகொண்டு வரவேண் டும என்றார். இதன்பிறகு அனைத்து மாணவ, மாணவிகளுக்கும் கல்வி உபகரணங்களை வழங்கினார். துணை முதல்வர் டாக்டர் பிரசாத் நன்றி கூறினார்.