சென்னை: மனிதநேய மக்கள் கட்சி தலைவர்கள் இன்று காலை திமுக தலைவர் கருணாநிதியை அவரது இல்லத்தில் சந்தித்தனர்.மனிதநேய மக்கள் கட்சி தலைவர்கள் ஜவாஹிருல்லா, ரிபாஹி, ஹைதர் அலி, ரஹமத்துல்லா ஆகியோர் இன்று காலை 11 மணிக்கு கோபாலபுரம் இல்லம் வந்து திமுக தலைவர் கருணாநிதியை சந்தித்தனர். அப்போது பொருளாளர் மு.க.ஸ்டாலின் உடன் இருந்தார். இந்த சந்திப்பு சுமார் 20 நிமிடம் நடந்தது. பின்னர் செய்தியாளர்களிடம் ஜவாஹிருல்லா கூறியதாவது : மனித நேய மக்கள் கட்சி சார்பில் திமுக தலைவர் கருணாநிதியை சந்தித்து பேசினோம். வருகின்ற தேர்தலில் திமுக தலைமையிலான கூட்டணியில் மனித நேய மக்கள் கட்சி இடம் பெற்று போட்டியிட விருப்பம் தெரிவித்தோம்.

நீண்ட கால அடிப்படையில், மத சார்பற்ற சக்திகள் ஒன்றுபட வேண்டும் என்று நாங்கள் இந்த கூட்டணிக்கு வந்துள்ளோம். தமிழக மக்களின் மனநிலை இந்த கூட்டணியை வெற்றி பெற செய்ய இருக்கிறது. இந்த கூட்டணி அமோக வெற்றி பெறும். புதிய ஆட்சி மலரும். எத்தனை தொகுதி என்று பேசினீர்களா என நிருபர்கள் கேட்டதற்கு, ‘‘அது தொடர்பாக தொகுதி உடன்பாட்டு குழுவுடன் பேசி எத்தனை தொகுதி என்பது முடிவு செய்யப்படும்’’ என்றார். இந்த கூட்டணிக்கு தேமுதிக வருமா என்ற கேள்விக்கு ‘‘அழைப்பது எங்கள் கடமை. ஏற்பது அவர்களது விருப்பம்’’ இவ்வாறு அவர் தெரிவித்தார்.

• மதுரையில் இருந்து சென்னை சென்ற ஆம்னி பஸ் தீப்பிடித்து நாசம் 27 பயணிகள் உயிர் தப்பினர்
  
• அதிரடி திட்டம் விரைவில் அமல் ஹெல்மெட் அணிந்தால் பெட்ரோல் இலவசம் இங்கில்லீங்க.. கேரளாவுலதான்
  
• ரூ.55 கோடி ரூபாய் எங்கப்பா...?’ வங்கிக்கு பூட்டுப் போடும் மூதாட்டி திருப்பூர் அருகே பரபரப்பு
  
• கூடுவாஞ்சேரி அருகே அரசமரத்தில் 5 தலை நாக உருவம் சாமி ஆடிய பெண்கள்
  
• அப்துல்கலாம் பெயரிலான பூங்காவை இடித்து தள்ளிய அதிகாரிகள் காரணைப் புதுச்சேரியில் பரபரப்பு
  
• கூடுவாஞ்சேரியில் ரவுடிகள் அராஜகம் பொதுமக்கள் அச்சம்
  
• ஒரே நாளில் விபத்துகள் ரயில் மோதி 3 பேர் பலி போலீஸ் விசாரணை
  
• அவதூறு வழக்கில் உச்சநீதிமன்றம் அளித்த தீர்ப்பு நீதித்துறை மீது நம்பிக்கை ஏற்படுத்தி உள்ளது - விஜயகாந்த் அறிக்கை
  
• ஓடும் ரயிலில் துணிகரம் பெண்ணை தாக்கி செயின் பறிப்பு - டிப்டாப் ஆசாமிக்கு வலைவீச்சு
  
• மேட்டூரில் இருந்து திறக்கப்படும் ஆடிப்பெருக்கு தண்ணீர் குறைப்பு