கவர்ச்சியை வர்ணித்த ரசிகர் - அமலா பால் பதிலடி
9/21/2016 3:08:25 PM
ரசிகர்களை நடிகர்கள் தாஜா செய்து வைத்திருந்த காலம் கொஞ்சம் கொஞ்சமாக மலையேறிக் கொண்டிருக்கிறது. சமூக வலைதளங்கள் வந்தபிறகு ரசிகர்களுடன் நேரடியாக தொடர்பு வைத்துக்கொள்வதாக டுவிட்டர், ஃபேஸ்புக் பக்கங்களில் நடிகர்கள், நடிகைகள் கருத்து தெரிவிப்பதும் கருத்து கேட்பதுமாக உரையாடல் நடத்துகின்றனர். பல சமயம் லைக் வந்து குவிந்தாலும் சிலசமயம் விமர்சனம், கிண்டல் என மோதலுக்கு வழி வகுக்கிறது. இது நடிகர் அல்லது நடிகையை கோபத்துக்குள்ளாக்குகிறது. அவ்வப்போது இதுபோல் சம்பவங்கள் நடந்து பரபரப்பு ஏற்படுகிறது. இப்படியொரு மோதலை நிகழ்த்தி இருக்கிறார் அமலாபால்.
கணவரும், இயக்குனருமான விஜய்யுடன் கருத்துவேறுபாடு ஏற்பட்டதால் விவாகரத்து கேட்டு கோர்ட்டில் மனு செய்துள்ள அமலாபால் மீண்டும் நடிக்கத் தொடங்கி இருக்கிறார். சமீபத்தில் விளையாட்டு தொடக்க நிகழ்ச்சியில் இறுக்கமான கவர்ச்சி உடை அணிந்து பங்கேற்றார். அந்த படங்கள் இணைய தளத்தில் வெளியானது. அமலாபால் புதிய காஸ்டியூமில் அளித்திருந்த போஸுக்கு ஏராளமான ரசிகர்கள் ைலக் போட்டிருந்தனர். ஒரு ரசிகர் தனது கமென்ட்டில், ‘விவாகரத்து பெற்ற ெபண்கள் எப்போதும் கவர்ச்சியாகவும், குறும்பாகவும் தென்படுகிறார்கள்’ என குறிப்பிட்டிருந்தார். தனக்கு கிடைத்த வரவேற்பு மெசேஜ்களை வாசித்து மகிழ்ந்த அமலாபாலுக்கு குறிப்பிட்ட ரசிகரின் கமென்ட் மனதை பாதித்துவிட்டதாம். இது குறித்து கோபமாக அவர் அளித்த பதிலில், ‘ஹே பாய்... உன்னுடைய ஆசை தவறான வழியில் இருக்கிறது. தயவு செய்து பெண்களுக்கு கொஞ்சமாவது மரியாதை கொடுக்க கற்றுக் கொள்’ என குறிப்பிட்டுள்ளார்.
