ரஜினி ஜோடியாகிறார் அமலாபால்
9/2/2025 4:48:56 PM
கபாலி படத்தில் ரஜினிக்கு ஜோடியாக நடிக்கப்போவது யார் என்ற கேள்வி சர்ச்சையாகவே உருவெடுத்தபோது பல ஹீரோயின்கள் பெயர் அடிபட்டது. இறுதியாக ராதிகா ஆப்தே நடித்தார். அடுத்து ரஜினி நடிக்கும் புதுபடத்தை மீண்டும் பா.ரஞ்சித் இயக்குகிறார். நடிகர் தனுஷ் தயாரிக்கிறார். ரஜினிக்கு ஜோடியாக அமலாபால் நடிக்க உள்ளதாக தெரிகிறது.
அமலா பாலுடன் தனுஷுக்கு ஏற்கனவே நட்பு உண்டு. வேலையில்லா பட்டதாரி படத்தில் இருவரும் ஜோடியாக நடித்ததுடன் தனுஷ் தயாரித்த அம்மா கணக்கு படத்தில் அமலா பால் நடித்தார். தற்போது வட சென்னை படத்தில் மீண்டும் இருவரும் ஜோடியாக நடிக்கின்றனர். அதேவேகத்தில் ரஜினிக்கும் அமலா பால் ஜோடிபோட உள்ளதாக கூறப்படுகிறது.
இப்படம் கபாலி 2ம் பாகம் இல்லை என மறுக்கும் ரஞ்சித், புதிய ஸ்கிரிப்ட்டாக உருவாக்குவதாக தெரிவித்திருக்கிறார். புரட்சியாளர் இமானுவேல் சேகரன் வாழ்க்கையை பின்னணியாக கொண்டு இக்கதை உருவாக்கப்பட உள்ளதாம்.
