விருது படம்னா ஸ்ேலாவா இருக்கணுமா? - விதார்த் சுளீர்
8/31/2016 5:12:42 PM
மைனா, ஆள் படங்களில் நடித்திருக்கும் விதார்த் அடுத்து காக்கா முட்டை மணிகண்டன் இயக்கத்தில் நடித்திருக்கும் படம் ‘குற்றமே தண்டனை’. இளையராஜா இசை. எஸ்.ஹரிஹர நாகநாதன், எஸ்.முத்து, எஸ்.காளீஸ்வரன் தயாரிப்பு. படம் பற்றி விதார்த் கூறியது:
காக்கா முட்டை படத்துக்கு பிறகு மணிகண்டன் இயக்கத்தில் வரும் படம் என்பதால் அதிக எதிர்பார்ப்பு உள்ளது. ஒரு கொலையை சுற்றி நடக்கும் த்ரில்லர் கதை. பார்வை குறைபாடுள்ளவனாக நடித்திருக்கிறேன். நிஜத்தில் இதுபோல் பாதிக்கப்பட்டவர்களின் அனுபவத்தை கேட்டு அதை நடிப்பில் பயன்படுத்தினேன். பூஜா தேவரியா, ஐஸ்வர்யா ராஜேஷ் என 2 ஹீரோயின்கள் இருந்தாலும் காதல் காட்சிகள் கிடையாது.
இது விருது படமா என்கிறார்கள். ஒரு காலத்தில் விருது படம் என்றால் ஸ்லோவாக இருக்கும் என்பார்கள். அதுபோல் இப்படம் கிடையாது. ஆனால் நிச்சயம் விருது கிடைக்கும். காக்கா முட்டைபோல் கதையும் இருக்கும், ரசனையும் இருக்கும். இதையடுத்து குரங்கு பொம்மை, ஒரு கிடாயின் கருணை மனு படங்களில் நடிக்கிறேன்.இவ்வாறு விதார்த் கூறினார்.
