கிளாமருக்கு மாற கீர்த்திக்கு நெருக்கடி
8/31/2016 5:12:09 PM
கிளாமருக்கு ‘நோ’ சொல்லி நடிப்புக்கு முக்கியத்துவம் உள்ள படங்களை ஏற்று வருகிறார் கீர்த்தி சுரேஷ். ரஜினி முருகன் படத்தையடுத்து பாம்பு சட்டை, தொடரி, ரெமோ, விஜய்யின் 60வது படம் என வரிசையாக 4 படங்களில் நடிப்பதுடன் தெலுங்கிலும் 2 படங்களில் நடிக்கிறார். இளம் ஹீரோக்களுடன் நடித்து வரும் நிலையில் அவருக்கு கிராமத்து பாங்கான வேடம் உள்ளிட்ட கிளாமர் குறைந்த கதாபாத்திரங்கள் தரப்படுகின்றன. டாப் ஹீரோ, கூடுதல் பட்ஜெட் படங்கள் வரும்போது அதற்கேற்ப கிளாமர் காட்சிகளில் நடிக்க வேண்டும் என பிரஷர் தரப்படுகிறதாம்.
விஜய் படத்தில் கொஞ்சம் தூக்கலாக பளபளக்கும் மாடர்ன் உடைகள் அணிய வேண்டிய கட்டாயம் ஏற்பட்டிருக்கிறது. ஓவர் கிளாமராக இல்லாமல் மினுமினு உடைகளில் தோன்றி நடித்திருக்கிறார். அடுத்தகட்டமாக தெலுங்கு படங்களில் கூடுதல் கிளாமரில் நடிக்க இயக்குனர்கள் கேட்டு வருகின்றனர். அதற்கு மறுப்பு தெரிவிக்கும் நிலையில், சில படங்கள் கீர்த்தியின் கைநழுவி போய்விட்டன. தற்போது நடித்து வரும் 2 தெலுங்கு படங்களில் கிளாமருக்கு கட்டுப்பாடு விதித்தே நடித்து வருகிறார். மார்க்கெட்டில் இருக்கும் நிலையில் கிளாமருக்கு தடைபோடுகிறார். மார்க்கெட் டல்லடிக்கத் தொடங்கினால் மற்ற ஹீரோயின்கள் போல் அவரும் நிச்சயம் கிளாமருக்கு மாறுவார் என கோலிவுட்டில் முணுமுணுக்கின்றனர்.
