விராட் கோஹ்லி இல்லை ஜோ ரூட்தான் உலகின் சிறந்த பேட்ஸ்மேன் - முகமது யூசுப் கணிப்பு
7/26/2016 5:32:39 PM
கராச்சி: பாகிஸ்தான் கிரிக்கெட் அணியின் முன்னாள் கேப்டன் முகமது யூசுப் அளித்த பேட்டி: கிரிக்கெட்டின் மூன்று வகைகளிலும் இங்கிலாந்தின் ஜோ ரூட் தான் சிறந்த வீரர். அவரது பேலன்ஸ், ஷாட் செலக்ஷன் அனைத்தும் சிறப்பாக உள்ளது. ஓல்டு டிராபோர்டில் பாகிஸ்தானுக்கு எதிராக அவர் அடித்த இரட்டை சதம், இங்கிலாந்தின் இன்னிங்சின் வைரம் போன்றது. இந்தியாவின் விராட் கோஹ்லி, தென் ஆப்பிரிக்காவின் டி வில்லியர்ஸ் ஆகியோரின் தரத்திலும் எந்தவித சந்தேகமும் இல்லை. ஆனால் தற்போதைய நிலையில், எனக்கு தனிப்பட்ட முறையில் ஜோ ரூட்தான் உலகின் சிறந்த பேட்ஸ்மேன். ஒரு பேட்ஸ்மேன் டெஸ்ட்டில் சிறப்பாக செயல்பட்டால், இதர 2 வகைகளிலும் வெற்றி பெற முடியும் என்று எப்ேபாதுமே நான் சொல்லி கொண்டிருக்கிறேன். இவ்வாறு அவர் கூறினார்.
