பரிணிதியை தொடர்ந்து ஸ்ருதி வாய்ப்பையும் பறிக்கிறார் ரகுல் ப்ரீத்
7/25/2016 5:12:52 PM
‘சபாஷ் நாயுடு’, ‘எஸ் 3’ படங்களில் நடிக்கிறார் ஸ்ருதி ஹாசன். தெலுங்கில் பவன் கல்யாணுடன் ‘கப்பர் சிங்’ படத்தில் நடித்தார். அடுத்து நடிக்கும் புதிய படத்திலும் அவரையே ஜோடி சேர்க்க விரும்பினார் பவன். ஸ்ருதியும் நடிக்க ஒப்புக்கொண்டிருந்தார். எதிர்பாராத காரணத்தால் பவன் பட படப்பிடிப்பு தள்ளிப்போனது. அதற்கேற்ப தேதியை அட்ஜெஸ்ட் செய்து தரும்படி ஸ்ருதியிடம் கேட்டபோது அவர் வேறு படங்களுக்கு கால்ஷீட் கொடுத்திருந்ததால் யோசித்துக் கொண்டிருந்தாராம்.பவனுடன் எப்போது வாய்ப்பு கிடைத்தாலும் நடிப்பேன் என்று திடீரென சொல்ல தொடங்கினார் ரகுல் ப்ரீத். அது கைகொடுத்திருக்கிறது. பவன் பார்வை ரகுல் மீது திரும்பியது. இதையடுத்து பட தரப்பினர் ரகுலை அணுகி பவனுடன் நடிக்க கால்ஷீட் கேட்டனர். வேறு படங்களுக்கு கால்ஷீட் கொடுத்திருந்தபோதிலும், ஸ்ருதிக்கு வாய்ப்பு செல்லக்கூடாது என்பதால் உடனே நடிக்க ஓகே சொல்லிவிட்டாராம். இதையடுத்து ஸ்ருதியின் வாய்ப்பை ரகுல் கைப்பற்றுகிறார்.ஏற்கனவே ஏ.ஆர்.முருகதாஸ் இயக்கத்தில் தமிழ், தெலுங்கில் மகேஷ்பாபு நடிக்கும் ரீமேக்கில் இந்தி நடிகை பரிணிதி சோப்ரா நடிப்பதாக இருந்தது. சம்பள விவகாரம் காரணமாக எழுந்த சிக்கலில் அந்த வாய்ப்பை ரகுல் கைப்பற்றினார் என்பது குறிப்பிடத்தக்கது.
