விஜய் சேதுபதி படம் இயக்குனர் நழுவல்
7/9/2025 1:07:18 PM
‘கோல்மால்’ பெயரில் ஏற்கனவே அஜய் தேவ்கன் நடிப்பில் 3 பாகங்களில் அடுத்தடுத்து இயக்கி இருக்கிறார் ரோஹித். அந்த வரிசையில் அடுத்து ‘கோல்மால் 4’ உருவாகிறது. விஜய் சேதுபதி நடித்த ‘சூது கவ்வும்’ படம்தான் ‘கோல்மால் 4’ பெயரில் இந்தியில் ரீமேக் ஆகிறது என்று கூறப்பட்டது.
இதுபற்றி இயக்குனர் தரப்பில் கேட்டபோது,‘விஜய் சேதுபதி நடித்து தமிழில் வெளியான ‘சூதுகவ்வும்’ படத்துக்கும் இந்தியில் உருவாகும் ‘கோல்மால் 4’ படத்துக்கும் எந்த சம்பந்தமும் இல்லை. ‘சூதுகவ்வும்’ படத்தின் ரீமேக் உரிமையை ரோஹித் வாங்கி இருந்தாலும் அந்த கதைக்கும் இதற்கும் தொடர்பு கிடையாது. ‘கோல்மால் 4’ கதை முற்றிலும் மாறுபட்டது’ என்றனர்.
