கமல்ஹாசன் 3 மொழி படம் தொடக்கம்
4/29/2016 2:22:58 PM
சென்னை: ‘தூங்காவனம்’ படத்தையடுத்து கமல் நடிக்கும் புதியபடம் ‘சபாஷ் நாயுடு’. தமிழ், தெலுங்கு, இந்தி என 3 மொழிகளில் உருவாகிறது. டி.கே.ராஜீவ்குமார் இயக்குகிறார். கமலுடன் அவரது மகள் ஸ்ருதிஹாசன் முதன்முறையாக இணைந்து நடிக்கிறார். முக்கிய வேடத்தில் ரம்யாகிருஷ்ணன், பிரம்மானந்தம்நடிக்கின்றனர். இளையராஜா இசை அமைக்கிறார்.இப்படத்தின் தொடக்க விழா சென்னையில் உள்ள நடிகர் சங்க வளாகத்தில் இன்று காலை நடந்தது. ‘தசாவதாரம்’ படத்தில் நடித்த பல்ராம் நாயுடு கெட்டப்பில் கமல் நடிக்கிறார்.விழாவில் பேசிய கமல்,’எனது புதிய பட பூஜையை நடிகர் சங்க வளாகத்தில் நடத்த ஆசைப்பட்டேன். அது நிறைவேறி உள்ளது. இன்னும் நிறைய படங்கள் இங்கிருந்து தொடங்க வேண்டும்’ என்றார். நடிகர் சங்கத்தில் பூஜை போட்டத்தையடுத்து குறிப்பிட்ட தொகையை வாடகையாக கமல் வழங்கினார். இப்படத்தை கமலின் ராஜ்கமல் பிலிம் இன்டர்நேஷனல், லைகா இணைந்து தயாரிக்கிறது.
