ரெஜினா-நந்திதா மோதல்
3/19/2016 12:41:22 PM
ரெஜினாவும், நந்திதாவும் மோதிக்கொண்டனர் என்றவுடன் பரபரப்பான தகவலாக இருக்குமோ என கற்பனை செய்யாதீர்கள். இது அவர்கள் படத்துக்காக மோதலுக்கு பயிற்சி எடுக்கும் தகவல்தான். ஆக்ஷன் காட்சிபற்றி எந்த ஐடியாவும் இல்லாமலிருந்த ரெஜினாவும், நந்திதாவும் இயக்குனர் செல்வராகவனின் ‘நெஞ்சம் மறப்பதில்லை’ படத்தில் நடிக்கின்றனர். இதன் 75 சதவீத படப்பிடிப்பு முடிந்த நிலையில் ரெஜினா, நந்திதா ேமாதிக்கொள்ளும் சண்டை காட்சியை படமாக்க திட்டமிட்டார் இயக்குனர். இதுபற்றி அவர்களிடம் இயக்குனர் சொன்னபோது இருவரும் தயங்கினர். ஆக்ஷன் காட்சியில் நடித்த அனுபவம் இல்லையே என்று பயத்துடன் கூறியதையடுத்து இருவருக்கும் சண்டை பயிற்சி அளிக்கப்பட்டது. சினிமா ஸ்டண்ட் பற்றிய டெக்னிக்குகளை கற்றுக்கொண்டதும் டூப் போடாமல் சண்டை காட்சியில் நடிக்க இருவரும் ஒப்புக்கொண்டிருக்கின்றனர். கேமரா முன் ஆக்ரோஷமாக மோதிக்கொள்ள இருவரும் தற்போது தயாராகிவிட்டனர்.
