போலீஸ் வேடத்துக்கு அஜீத் பட நடிகை
3/15/2016 3:09:24 PM
போலீஸ் வேடத்துக்கென்று சில ஹீரோயின்கள் முத்திரை குத்தப்பட்டுள்ளனர். அவர்களை தவிர வேறு ஹீரோயின்களுக்கு அந்த வாய்ப்பு செல்வதில்லை. மாறி மாறி அவர்களை பார்த்து சலித்துப்போன ரசிகர்களுக்கு மாற்றாக போலீஸ் கதாபாத்திரத்துக்கு ஒரு நடிகையை தேடிப்பிடித்திருக்கிறார்கள். விஜய்யின் ‘துப்பாக்கி’, அஜீத்தின் ‘ஆரம்பம்’ படங்களில் நடித்தவர் அக்ஷரா கவுடா. இவர் புதிய படத்தில் போலீஸ் அதிகாரி வேடத்தில் நடிக்க தேர்வாகி இருக்கிறார்.ஜெயம் ரவி நடித்த ‘ரோமியோ ஜூலியட்’ படத்தை இயக்கிய லக்ஷ்மன் அடுத்து ‘போகன்’ படம் இயக்குகிறார். இதிலும் ஜெயம் ரவியே நடிக்கிறார். ஹீரோயினாக ஹன்சிகா நடிக்கிறார். இதில் போலீஸ் வேடத்துக்கு தேர்வு செய்யப்பட்டிருக்கிறார் அக்ஷரா. இதுபற்றி அக்ஷரா கூறும்போது,’போலீஸ் வேடத்தில் நடிப்பதால் ஆக்ஷன் காட்சிகளிலும் நடிக்க உள்ளேன். தவிர ஹீரோவுடன் பாடல் காட்சியிலும் நடிக்க உள்ளேன். இதன் படப்பிடிப்பு விரைவில் ஆரம்பமாகிறது. ராஜூ சுந்தரம் நடனம் அமைக்கிறார்’ என்றார்.
