திருவொற்றியூரில் 2628 பேருக்கு இலவச மிக்சி, கிரைன்டர் எம்எல்ஏ குப்பன் பங்கேற்பு
10/7/2025 2:28:23 PM
திருவொற்றியூர்: திருவொற்றியூரில் வசிக்கும் 2,628 பேருக்கு தமிழக அரசின் இலவச மிக்சி, கிரைண்டர் மற்றும் மின்விசிறிகளை எம்எல்ஏ குப்பன் வழங்கினார்.தமிழக அரசின் இலவச மிக்சி, கிரைண்டர் மற்றும் மின்விசிறி வழங்கும் நிகழ்ச்சி நேற்று திருவொற்றியூர், ராமகிருஷ்ணா நகரில் நடைபெற்றது.இந்நிகழ்ச்சிக்கு அம்பத்தூர் ஆர்டிஓ வீரப்பன் தலைமை வகித்தார். இதில் திருவொற்றியூர் எம்எல்ஏ குப்பன், மாவட்ட அதிமுக செயலாளர் சிறுணியம் பலராமன் ஆகியோர் சிறப்பு அழைப்பாளர்களாக கலந்து கொண்டனர்.ராமகிருஷ்ணா நகர், ஜோதி நகர் பகுதிகளை சேர்ந்த 2,628 பேருக்கு, எம்எல்ஏ குப்பனும் சிறுணியம் பலராமனும் இலவச மிக்சி, கிரைண்டர்களை வழங்கி பேசினர்.இதில் மண்டலக்குழு தலைவர் தனரமேஷ், கவுன்சிலர் அமுல்ராஜ், அதிமுக நிர்வாகிகள் மோகன், குப்புராஜ் உட்பட பலர் கலந்து கொண்டனர். நிகழ்ச்சி முடிவில் தாசில்தார் ஏழுமலை நன்றி கூறினார்.
