கணவர் பிரியதர்ஷன் பெயரை நீக்கிய லிசி
9/26/2015 12:32:47 PM
கமலுடன் விக்ரம் உள்ளிட்ட படங்களில் நடித்தவர் லிசி. இயக்குனர் பிரியதர்ஷனை காதலித்து மணந்தார். மனக் கசப்பு காரணமாக இருவரும் பிரிந்ததுடன் விவாகரத்து கேட்டு கோர்ட்டில் மனு தாக்கல் செய்துள்ளனர். கணவர் என்ற முறையில் தன் பெயருடன் இணைத்து கூறப்பட்டு வந்த பிரியதர்ஷன் பெயரை நீக்கிவிட்டு அதற்கு பதிலாக லட்சுமி என்ற பெயரை இணைத்துக்கொண்டிருக்கிறார் லிசி. தமிழில் ராம் இயக்கும் புதிய படத்தில் முக்கிய வேடத்தில் நடிக்கிறார். இதுபற்றி லிசி கூறியது:விவாகரத்து கடினமானது. அதுவே இறுதி கிடையாது. மற்ற குடும்பங்களில் நடப்பதுபோல்தான் என் குடும்பத்திலும் பிரச்னை எழுந்தது. கஷ்டங்களை மறைத்துக்கொண்டு சந்தோஷமாக இருப்பதுபோல் முகமூடி போட்டுக்கொண்டு வாழ எனக்கு பிடிக்கவில்லை. அதனால் வெளியேறிவிட்டேன். இன்னும் விவாகரத்து பெற போராடிக்கொண்டிருக்கிறேன். மீண்டும் சினிமாவில் நடிக்கிறேன். தேசியவிருது பெற்ற இயக்குனர் ராம் இயக்கும் படத்தில் நடிக்கிறேன். அடுத்த ஆண்டு படப்பிடிப்பு தொடங்க உள்ளது. மலையாளத்திலும் 2 படங்கள் நடிக்க உள்ளேன்.
