ஆஸ்திரேலியாவில் சிட்னி நகரைச் சேர்ந்தவன் சார்லி பார்க்கர்
9/4/2025 2:20:02 PM
ஆஸ்திரேலியாவில் சிட்னி நகரைச் சேர்ந்தவன் சார்லி பார்க்கர் என்ற 5 வயது சிறுவன். உலகிலேயே பிரபல விலங்குகள் காப்பாளர் ஸ்டீவ் இர்வினுக்கு அடுத்தபடியாக, இளம் விலங்குகள் ஆர்வலராகத் திகழ்கிறான்.தங்களது முதலைப் பண்ணையில் தனது பெற்றோருடன் 3 வயது முதல் சென்று, அங்குள்ள முதலைக் குட்டிகளைப் பிடித்து விளையாட ஆரம்பித்துவிட்டான்.விக்டோரியாவில் உள்ள பல்லார்ட் விலங்குகள் பூங்காவில் ஆமை, முதலை, முயல் போன்ற விலங்குகளுக்குத் தன் கைகளால் தினமும் உணவு கொடுப்பது அவனுக்கு பிடிக்கும். அப்பூங்காவில் ஒவ்வொரு வேலையையும் தனது பெற்றோரின் கண்காணிப்பில் செய்து வருகிறான். பூங்காவுக்கு வரும் மக்கள், அங்குள்ள விலங்குகளைப் பார்ப்பதைவிட, இவன் விலங்குகளைக் கையாள்வதைப் பார்ப்பதற்கே பெரிதும் ஆர்வம் காட்டி வருகின்றனர்.
