நட்பு நடிகைகள் சந்தித்துக்கொண்டால் உடனே செல்ஃபி
8/22/2015 11:40:05 AM
நட்பு நடிகைகள் சந்தித்துக்கொண்டால் உடனே செல்ஃபி எடுத்துக்கொள்வது வாடிக்கையாகிவிட்டது. முகத்தை அஷ்டகோணலாக வைத்தும், விரல்களை நீட்டியும், உதடுகளை குவித்து முத்தம் தருவதுபோலவும் போஸ் தருவது என சிலாகிக்கின்றனர். பெண்களின் செல்ஃபிபோஸ் பற்றி தமன்னாவுடன் நடித்து சமீபத்தில் வந்த படத்தில் நடிகர் சந்தானம் நக்கலடித்திருந்தார். ஆனாலும் செல்ஃபி மோகம் குறைந்தபாடில்லை. மேக்னாராஜ், பருல் யாதவ், அனு பிரபாகர் உள்ளிட்ட 5 நடிகைகள் ஒரே ஷூட்டிங்கில் பங்கேற்றனர். கேட்க வேண்டுமா ஒருவரையொருவர் அணைத்தபடி முத்த போஸ்தந்து சரமாரியாக செல்ஃபி எடுத்து தங்களது இணைய தள பக்கங்களில் வெளியிட்டனர். இவர்களிலிருந்து மாறுபட்டிருக்கிறார் இலியானா. இதுவரை ஒரு செல்ஃபி கூட தன்னை அவர் எடுத்துக்கொண்டதில்லையாம். தெரிந்த முகம் யாராவது வற்புறுத்தினால் மறுக்க முடியாமல் ஒன்றிரண்டு முறை அவர்களுடன் செல்ஃபி போஸ் தந்திருக்கிறாராம்.
