சின்சினாட்டி மாஸ்டர்ஸ் டென்னிஸ் மூன்றாம் சுற்றில் ரோஜர் பெடரர்
8/19/2015 3:31:21 PM
சின்சினாட்டி: சின்சினாட்டி மாஸ்டர்ஸ் ஓபன் டென்னிஸ் போட்டி அமெரிக்காவில் நடந்து வருகிறது. ஆடவர் ஒற்றையர் பிரிவில் நேற்றிரவு 2ம் சுற்றுப்போட்டி நடந்தன. இதில், 2ம் நிலை வீரரான சுவிட்ஜர்லாந்தின் ரோஜர் பெடரர், ஸ்பெயின் வீரர் பாடிஸ்டா அகுட்டை 6-4, 6-4 என நேர் செட்களில் வீழ்த்தி 3ம் சுற்றில் அடியெடுத்து வைத்தார்.7ம் நிலை வீரரான குரோஷியாவின் மரீன் சிலிச், போர்ச்சுகல் வீரர் ஜோ சோசாவை 6-4, 6-2 என நேர் செட்களில் வீழ்த்தி அடுத்த சுற்றுக்கு முன்னேறினார்.16ம் நிலை வீரரான பல்கேரியாவின் கிரிகோர் டிமிட்ரோவ், தகுதிச் சுற்று வீரரான வாசெக் போஸ்பிசிலுடன் மோதினார். இதில் கிரிகோர் டிமிட்ரோவ் 7-6(4), 7-6(5) என நேர் செட்களில் போஸ்பிசிலை போராடி வென்றார்.தகுதி நிலை வீரரான உக்ரேன் நாட்டைச் சேர்ந்த அலெக்சாண்டர் டொல்கோபோலோவ், ஆஸ்திரேலியாவின் பெர்னார்டு டாமிக்கை எதிர் கொண்டார்.
இதில் டொல்கோபோலோவ் 6-4, 6-1 என நேர் செட்களில் வென்றார்.மகளிர் ஒற்றையர் பிரிவு முதல் சுற்றில் அமெரிக்க வீராங்கனை ஸ்லோன் ஸ்டீபன்ஸ், ஸ்பெயின் வீராங்கனை கார்லா சுவாரஸ் நவரோவை எதிர் கொண்டார். இதில் ஸ்டீபன்ஸ், 6-1, 6-2 என நேர் செட்களில் வென்று 2ம் சுற்றில் நுழைந்தார். கனடாவில் நடந்த ரோஜர்ஸ் கோப்பை டென்னிஸில் சாம்பியன் பட்டம் வென்றவரான சுவிட்ஜர்லாந்தின் பெலிண்டா பென்சிக், 11ம் நிலை வீராங்கனையான ஜெர்மனியின் ஏஞ்சலீக் கெர்பரை எதிர் கொண்டார். இதில் பெலிண்டா பென்சிக், 7-5, 6-3 என்ற செட்களில்வென்று 2ம் சுற்றுக்கு முன்னேறினார்.ஸ்லொவாகியாவின் அன்னா கரோலினா, ரஷ்ய வீராங்கனை டாரியா காவ்ரிலோவா, பெலாரஸ் வீராங்கனை விக்டோரியா அசரெங்கா ஆகியோரும் முதல் சுற்று ஆட்டங்களில் வெற்றி பெற்றுள்ளனர்.வீனஸ், ஷரபோவா விலகல்வைரஸ் காய்ச்சலால் அவதிப்பட்டு வரும் அமெரிக்க வீராங்கனை வீனஸ் வில்லியம்ஸ், 2ம் சுற்றில் ஆடாமல் விலகினார். இதனால் அவரை எதிர்த்து ஆடவிருந்த அனா இவானோவிக் நேரடியாக 3ம் சுற்றுக்கு முன்னேறினார். ரஷ்ய வீராங்கனை மரியா ஷரபோவாவும் காலில் ஏற்பட்ட காயம் காரணமாக வெளியேறியதால் அவரை எதிர்த்து ஆடவிருந்த லெப்சென்கோ நேரடியாக 3ம் சுற்றுக்குத் தகுதி பெற்றார்.
