எதிர்ப்புக்கு பயந்தார் பட தலைப்பை காமெடியாக்கிய இயக்குனர்
5/8/2025 3:05:23 PM
கோலிவுட்டில் கமலின் சண்டியர் தொடங்கி கார்த்தியின் கொம்பன் வரை பட டைட்டிலுக்கு எதிர்ப்பு கிளம்பியது. சண்டியர் டைட்டிலை பின்னர் விருமாண்டி என கமல் மாறினார். கொம்பன் தலைப்பு மாற்றப்படவில்லை. ரிலீஸ் நேரத்தில் டைட்டில் மற்றும் கதைக்களத்தை காரணம்காட்டி பிரச்னை வந்துவிடக்கூடாது என்பதால் புத்திசாலித்தனமாக ‘இத்திரையில் வரும் சம்பவங்கள் அனைத்தும் கற்பனையே’ என்று புதிய படத்துக்கு பெயரிடப்பட்டிருக்கிறது. இதுகுறித்து அப்பட இயக்குனர் விஜய்பரமசிவம் கூறியது:பட டைட்டில் சில சமயம் சர்ச்சைக்குள்ளாகிறது. அப்படி எந்த டென்ஷனும் இல்லாமல் இருக்கக்கூடாது என்பதால் இந்த டைட்டில் தேர்வு செய்யப்பட்டது. இதற்கு தானே ஆசைப்பட்டாய் பாலகுமாரா, சுட்ட கதை போன்று இதுவொரு பிளாக் காமெடி கதை.
ஜமீன்தார் ஒருவர் ஒரு ரகசியத்தை சொல்லிவிட்டு இறந்துவிடுகிறார். அதைக் கேட்ட சிலர் அந்த ரகசியத்தை வைத்து கோடிக்கணக்கான சொத்தை அபகரிக்க முயல்கின்றனர். அதற்கான சீன் முழுவதும் காமெடியாகவே அமைக்கப்பட்டிருக்கிறது. புதுமுகங்கள் சரண் சக்ரவர்த்தி, அகன்ஷா ஜோடி. நிழல்கள் ரவி, ஒய்.ஜி.மகேந்திரன், சண்முகசுந்தரம் உள்ளிட்ட பலர் நடிக்கின்றனர். என்.கே.பதி, கவுதம் சேதுராம் ஒளிப்பதிவு. மரியா ஜெரால்டு இசை. கதை திரைக்கதை வசனம் எழுதி தயாரிக்கின்றனர் விஜய் பிரகாஷ், சாக்ரடீஸ்.இவ்வாறு இயக்குனர் விஜய் பரமசிவம் கூறினார். குறும்புத்தனமாக டைட்டில் வைத்திருக்கும் இந்த இயக்குனர் ஏற்கனவே ‘குறும்பு’ என்ற படத்தை இயக்கியவர் என்பது குறிப்பிடத்தக்கது.
