இந்தியாவுடன் விளையாட வெ.இ. விருப்பம்
4/29/2015 2:39:03 PM
புதுடெல்லி: வெஸ்ட் இண்டீஸ் கிரிக்கெட் அணி வரும் செப்டம்பர், அக்டோபர் மாதங்களில் இந்தியாவில் சுற்றுப்பயணம் மேற்கொண்டு விளையாட அந்நாட்டு கிரிக்கெட் விருப்பம் தெரிவித்துள்ளது. கடந்த ஆண்டு வெஸ்ட் இண்டீஸ் அணி இந்தியாவில் சுற்றுப்பயணம் மேற்கொண்டபோது வீரர்கள் மற்றும் அந்நாட்டு கிரிக்கெட் போர்டுடன் ஏற்பட்ட சம்பள பிரச்னை காரணமாக, தொடரை பாதியில் ரத்து செய்து விட்டு வீரர்கள் நாடு திரும்பினர். இதற்கு இழப்பீடாக ரூ. 267 கோடி வேண்டும் என வெஸ்ட் இண்டீஸ் கிரிக்கெட் போர்டிடம் பிசிசிஐ கேட்டு வருகிறது. நிதியின்றி தவித்து வரும் வெஸ்ட்இண்டீஸ் கிரிக்கெட் வாரியம் இதனை ஈடுகட்டும் வகையில் இந்தியாவில மீண்டும் சுற்றுப்பயணம் மேற்கொள்ள விருப்பம் தெரிவித்திருக்கிறது.
