திருவள்ளூர் மாவட்டத்தில் 13 பிடிஓக்கள் அதிரடி மாற்றம்
6/6/2025 3:52:25 PM
திருவள்ளூர்: திருவள்ளூர் மாவட்டத்தில் ஒரே இடத்தில் ஓராண்டுக்கும் மேல் பணிபுரிந்துவந்த, 13 வட்டார வளர்ச்சி அலுவலர்களை, மாவட்ட கலெக்டர் பணியிட மாற்றம் செய்து உத்தரவிட்டுள்ளார். திருவள்ளூர் மாவட்டத்தில், 14 ஒன்றியங்களில், 28 வட்டார வளர்ச்சி அலுவலர் பணியிடங்கள் உள்ளன. இவை தவிர, ஊரக வளர்ச்சி துறையில், வட்டார வளர்ச்சி அலுவலர் தரத்தில், சில பணியிடங்கள் உள்ளன. இந்நிலையில், ஓராண்டுக்கும் மேல் ஒரே இடத்தில் பணிபுரிந்து வந்த 13 வட்டார வளர்ச்சி அலுவலர்களை மாவட்ட கலெக்டர் சுந்தரவல்லி, அதிரடியாக பணியிட மாற்றம் செய்து உத்தரவிட்டுள்ளார்.
