விக்ரமை இயக்கும் சிம்பு இயக்குனர்
11/18/2016 4:33:13 PM
இருமுகன் படத்தையடுத்து ஹரி இயக்கத்தில் சாமி 2 படத்தில் நடிக்க முடிவு செய்திருந்தார் விக்ரம். இதில் வரும் ஆறுச்சாமி அதிரடி போலீஸ் கதாபாத்திரத்துக்காக உடற்கட்டை ஏற்றிவந்தார். ஆனால் சூர்யா நடிக்கும் ‘சி 3’ படத்தின் போஸ்ட் புரொடக்ஷன் பணிகளில் இயக்குனர் ஹரி பிஸியாக இருப்பதால் சாமி 2 படப்பிடிப்பு அடுத்த ஆண்டுக்கு தள்ளிப்போகும் என்று தெரிகிறது. ஏற்கனவே ‘சாமி 2’ படத்திற்கு முன்பாக விக்ரம் மற்றொரு படத்தில் நடிக்கவிருப்பதாக தகவல் வெளிவந்தது. தற்போது அது உறுதியாகி இருக்கிறது.
சிம்பு நடித்த வாலு படத்தை இயக்கிய விஜய் சந்தர் இயக்கத்தில் விக்ரம் நடிக்க உள்ளார். எஸ்எப்எப் நிறுவனம் தயாரிக்கிறது. சாமி 2க்கு முன்பாக இதன் படபிடிப்பை முடித்து திரையிட திட்டமிடப்பட்டிருக்கிறது. ஹீரோயின் மற்ற நடிகர், நடிகை தொழில்நுட்ப கலைஞர்கள் தேர்வு வேகமாக நடக்கிறது. வழக்கம்போல் இதில் விக்ரமுக்கு மாறுபட்ட கதாபாத்திரம்தானாம்.
