குளச்சல்: குமரி மாவட்டம் குளச்சல் கடலில் இன்று காலை ஏற்பட்ட கடல் சீற்றம் காரணமாக 30 அடி உயர தூண் உடைந்து கடலுக்குள் விழுந்தது. இதையடுத்து கடலுக்கு மீன் பிடிக்க சென்ற மீனவர்கள் அவசரம் அவசரமாக கரை திரும்பினர்.குளச்சல் கடல் பகுதியில் தற்போது 45 நாட்களுக்கு மீன்பிடி தடைகாலம் அமலில் உள்ளது. இதனால் விசைபடகுகளை பழுது பார்க்கும் பணியில் மீனவர்கள் தீவிரமாக ஈடுபட்டு வருகின்றனர். இதற்கு மாறாக பைபர் வள்ளங்கள் மற்றும் கட்டு மரங்களை சேர்ந்த மீனவர்கள் வழக்கமாக இன்று காலை மீன்பிடி தொழிலில் ஈடுபட்டுக் கொண்டிருந்தனர்.அப்போது திடீரென்று கடலில் சீற்றம் அதிக அளவில் காணப்பட்டது. ராட்சத அலைகள் எழுந்து, மணற்பரப்பையும் தாண்டி விழுந்தது. சில அலைகள் குளச்சல் துறைமுகத்துக்காக அமைக்கப்பட்டுள்ள 30 அடி உயர தூண்கள் மீது விழுந்தது. இதில் சில தூண்கள் சேதம் அடைந்தன. ஒரு தூண் உடைந்து கடலில் விழுந்தது.ஏற்கனவே கடந்த 1997ல் ஏற்பட்ட கடல் சீற்றத்தின் போது, 2 தூண்கள் உடைந்து கடலில் விழுந்தன. அதன் பின்னர் 2 தூண்கள் கடந்த சில மாதங்களுக்கு முன் வந்த கடல் சீற்றத்தில் முறிந்து விழுந்தது. தற்போது 5 வது தூண் இன்று முறிந்து விழுந்தது குறிப்பிடத்தக்கது.குளச்சலில் காணப்பட்ட திடீர் கடல் சீற்றம் காரணமாக, கடலில் மீன்பிடித்துக் கொண்டிருந்த பைபர் வள்ளம் மற்றும் கட்டுமர மீனவர்கள் அவசரம் அவசரமாக கரை திரும்பினர். இந்த சம்பவம் காரணமாக கடற்கரை கிராமங்களில் பரபரப்பு காணப்பட்டது.

• ஈராக்கில் இருந்து மதுரை வந்த 2 தொழிலாளர்களுக்கு கண்ணீர் மல்க வரவேற்பு
  
• கூடங்குளம் அணுமின் நிலைய பகுதியில் கடலுக்கு அடியில் நீந்தி கண்காணிக்க கமாண்டோ படைக்கு சிறப்பு பயிற்சி
  
• நடிகை ரோகிணி பங்கேற்ற விழாவை போலீசார் நிறுத்தினர் : சேலம் அருகே பரபரப்பு
  
• பொது இ-சேவை மையங்களில் மின் கட்டணம் செலுத்தும் வசதி
  
• ராயபுரம் தனியார் பள்ளியில் 30 மாணவிகளுக்கு வாந்தி மருத்துவமனையில் தீவிர சிகிச்சை
  
• ஈராக்கில் தவித்த 17 தமிழர்கள் சென்னை திரும்பினர்
  
• செம்மொழி நிறுவனத்துக்கு தமிழறிஞரை இயக்குனராக நியமிக்க வேண்டும் : மத்திய அரசுக்கு ராமதாஸ் கோரிக்கை
  
• பணவீக்கம் கட்டுக்குள் கொண்டு வர நடவடிக்கை: ரிசர்வ் வங்கி கவர்னர் உறுதி
  
• வேட்டி, சேலை திட்டத்துக்கு ரூ 486 கோடி ஒதுக்கீடு: ஜெயலலிதா உத்தரவு
  
• தலைமை செயலக வளாகத்தில் புதுப்பிக்கப்பட்ட நாமக்கல் கவிஞர் மாளிகை கட்டிடம் : நாளை திறப்பு