திருத்தணி:பங்குனி உத்திர திருவிழாவை முன்னிட்டு திருவாலங்காடு சிவன் கோயிலில் நாளை மறுநாள் கமலத் தேர் ஊர்வலம் நடக்கிறது. திருத்தணி அருகே  திருவாலங்காட்டில் பிரசித்தி பெற்ற வடாரண்யேஸ்வரர் கோயில் உள்ளது. சிவபெருமானின் ஐந்து சபைகளில் முதல் சபையாக விளங்கும் இந்த கோயிலில் ஆண்டுதோறும்  பங்குனி உத்திர திருவிழா கோலாகலமாக நடைபெறும். இந்தாண்டு கடந்த 4ம் தேதி பங்குனி உத்திர விழா தொடங்கியது. இதையடுத்து, தினமும் வடாரண்யேஸ்வரர் &  வண்டார்குழலி அம்மன் வீதியுலா நடந்து வருகிறது.

அன்ன வாகனம், பூத வாகனம், குதிரை வாகனம், பல்லக்கு, சூரியபிரபை, சந்திர பிரபை, நாக வாகனம், மகர வாகனம் உள்ளிட்ட பல வாகனங்களில் சாமி ஊர்வலமாக  வந்து பக்தர்களுக்கு காட்சி கொடுத்தார். முக்கிய விழாவான கமலத் தேர் ஊர்வலம் நாளை மறுநாள் நடக்கிறது. இதில் வடாரண்யேஸ்வரர், வண்டார்குழலி அம்மனுடன்  எழுந்தருள்கிறார். வரும் 14ம் தேதி பங்குனி உத்திர விழா நிறைவு பெறுகிறது. நாளை மறுநாள் நடக்கும் தேர் ஊர்வலத்தில் ஏர£ளமான பக்தர்கள் கலந்து கொள்வார்கள்  என்பதால் அதற்கான ஏற்பாடுகளை கோயில் நிர்வாகம் செய்து வருகிறது.

• அங்காள பரமேஸ்வரி அம்மன்
  
• கோயில் விழாக்கள்
  
• முருகனை வழிபட்டால் திருமணம் கைகூடும்
  
• திருத்தணி முருகன் கோயில் தல வரலாறு: மூன்று சக்தி படைத்த தணிகைவேலன்
  
• வேலூர் பொற்கோயிலை சுற்றிராணுவ ஹெலிகாப்டர்கள் வட்டமடித்ததால் பரபரப்பு
  
• திருநள்ளாறு பெருமாள் கோயிலுக்கு சூரிய பிரபை சேஷ வாகனங்கள்
  
• திருநாகேஸ்வரம், பெரும்பள்ளம்தோஷ நிவர்த்தி கோயில்களில் ராகு கேது பெயர்ச்சி விழா ஏராளமான பக்தர்கள் குவிந்தனர்
  
• சோழ பேரரசி செம்பியன் மாதேவிக்கு செம்பியக்குடியில் ஐம்பொன் சிலை
  
• சித்திரை பிறப்பை முன்னிட்டு திருச்செந்தூர் கோயிலில் பூஜை நேரம் மாற்றம்
  
• திருப்பதியில் நாளை வசந்த உற்சவம் தொடக்கம் ஆர்ஜித சேவைகள் ரத்து