மும்பை:புதிய படத்துக்கு பிரபுதேவா வைத்துள்ள பெயரை மாற்றாவிட்டால் வழக்கு தொடரப்படும் என ஹாலிவுட் கம்பெனி நோட்டீஸ் அனுப்பி உள்ளது.
பிரபுதேவா இந்தியில் இயக்கும் புதிய படம் ‘ஆக்ஷன் ஜாக்சன்‘. அஜய் தேவ்கன் ஹீரோ. சோனாக்ஷி சின்ஹா, யாமி கவுதம் ஹீரோயின்கள். இந்த பட டைட்டிலால் பிரச்னை எழுந்துள்ளது.

ஹாலிவுட் பட நிறுவனம் வார்னர் பிரதர்ஸ் பட டைட்டிலுக்கு உரிமை கொண்டாடி உள்ளது. கடந்த 1988ம் ஆண்டு ‘ஆக்ஷன் ஜாக்சன்‘ என்ற டைட்டிலில் ஹாலிவுட் படத்தை தயாரித்தோம். கார்ல் வெதர்ஸ், ஷரோன் ஸ்டோன் நடித்தனர். இப்படத்தின் டைட்டில் உரிமை எங்கள் நிறுவனத்திடம் உள்ளது. இந்த நிலையில் பாலிவுட் படத்துக்கு அந்த தலைப்பை பயன்படுத்த கூடாது. இதுபற்றி 48 மணி நேரத்துக்குள் பதில் அளிக்க வேண்டும் என்று அந்த நிறுவனம் இயக்குனர் பிரபுதேவா மற்றும் தயாரிப்பாளருக்கு வக்கீல் நோட்டீஸ் அனுப்பி உள்ளது. உடனடியாக பட டைட்டிலை மாற்றி அறிவிக்க வேண்டும் இல்லாவிட்டால் சட்டப்படி கோர்ட்டில் வழக்கு தொடரப்படும் என்றும் கூறப்பட்டுள்ளது.

இதுபற்றி இந்தி பட நிறுவனம் தரப்பில் கூறும் போது, ‘ஆக்ஷன் ஜாக்சன் என்ற டைட்டில் மும்பையில் உள்ள பட தயாரிப்பாளர் சங்கம், தயாரிப்பாளர் கில்டு உள்ளிட்ட அமைப்புகளில் முறைப்படி பதிவு செய்யப்பட்டுள்ளது. எனவே இதற்கு யாரும் ஆட்சேபனை தெரிவிக்க முடியாது. இதுதொடர்பாக வார்னர் பிரதர்ஸ் நிறுவனத்துக்கு பதில் அனுப்பப் பட்டு உள்ளது‘ என்றனர்.  இந்த படத்துக்கு முன்பு பிரபுதேவா இயக்கத்தில் வெளியான ‘ராம்போ ராஜ்குமார்‘ என்ற படத்துக்கும் தலைப்பு பிரச்னை எழுந்தது. பிறகு ‘ராம்போ‘ என்ற பெயருக்கு பதிலாக ‘ஆர் ராஜ்குமார்‘ என்று டைட்டிலை மாற்றினார் என்பது குறிப்பிடத்தக்கது.

• டாப் இயக்குனர்களுடன் நடிக்க அஜீத், விஜய் திடீர் போட்டி
  
• கேன்சர் நோய் துணிச்சல் பெண்ணாக்கியது கவுதமி - மம்தா உருக்கம்
  
• பெண் இயக்குனர்கள் த்ரில்லர் படம் இயக்க கூடாதா? கேட்கிறார் சிவானி
  
• ஆர்யா பற்றிய தகவலால் இயக்குனர் டென்ஷன்
  
• ரகுமான்-ஹாரிஸ் மீது இயக்குனர் பாய்ச்சல்
  
• சூர்யா மீது கோபமா? சமந்தா ஷாக்
  
• விரைவில் பத்திரிகையாளர்கள் சந்திப்பு ரஜினி திடீர் முடிவு
  
• தனுஷுடன் ரொமான்ஸ் காட்சியில் நடித்தார் அக்ஷரா ஹாசன்
  
• ஜஸ் கணவருக்கு பிரியாமணி வலை
  
• லுங்கி கட்டி கிளுகிளுப்பான ஆட்டம் ஹரிபிரியாவை சம்மதிக்க வைத்த இயக்கம்