ஸ்ரீபெரும்புதூர்: மினி லாரி மீது டிரைலர் லாரி மோதியதில் செல்போன் கம்பெனி ஊழியர்கள் 7 பேர் படுகாயம் அடைந்தனர். ஸ்ரீபெரும்புதூர் அருகே இன்று காலை நடந்த சம்பவம் பரபரப்பை ஏற்படுத்தியுள்ளது. காஞ்சிபுரம் அருகே தாமல் அடுத்த பனப்பாக்கம் கிராமத்தை சேர்ந்த பூபாலன் (27), முரளி (26), ராமு (25), பாஸ்கரன் (26), வெங்கடேசன் (24), தயாளன் (25), அருள் (26) ஆகியோர் ஸ்ரீபெரும்புதூர் செல்போன் கம்பெனியில் வேலை பார்க்கிறார்கள். இன்று காலை 9.30 மணியளவில் வேலைக்கு போக 7 பேரும் பனப்பாக்கம் கூட்டு சாலையில் பஸ்சிற்காக காத்திருந்தனர். அப்போது அந்த வழியாக மினி லாரியில் லிப்ட் கேட்டு ஏறினர் சென்னைபெங்களூர் தேசிய நெடுஞ்சாலை வழியாக மாம்பாக்கம் அருகே வரும்போது டிரைலர் லாரி எதிர்பாராதவிதமாக மினிலாரியின் பின் பகுதியில் மோதியது.

இதில் டிரைலர் லாரி பள்ளத்தில் இறங்கியது. மினிலாரியில் இருந்த பூபாலன், முரளி உள்பட 7 பேரும் பலத்த காயம் அடைந்தனர். தகவல் அறிந்ததும் ஸ்ரீபெரும்புதூர் டிஎஸ்பி கஜேந்திர குமார், இன்ஸ்பெக்டர் நாகலிங்கம் மற்றும் போலீசார் விரைந்து வந்து காயம் அடைந்தோரை ஸ்ரீபெரும்புதூர் அரசு மருத்துவமனைக்கு அனுப்பி வைத்தனர். பின்னர் மேல் சிகிச்சைக்காக சென்னை மருத்துவமனைக்கு கொண்டு செல்லப்பட்டனர். இந்த சம்பவத்தால் சென்னை தேசிய நெடுஞ்சாலையில் போக்குவரத்து பாதிக்கப்பட்டது. இது தொடர்பாக போலீசார் வழக்கு பதிவு செய்து விசாரிக்கிறார்கள்.

• குழந்தைகளை கொன்று தாய் தூக்கிட்டு தற்கொலை
  
• லாரி கவிழ்ந்து விபத்து 1000 கோழிகள் பலி
  
• திருப்பூர் கோர்ட்டில் ஆஜராக விஜயகாந்துக்கு சம்மன்
  
• டாஸ்மாக் 3 நாள் விடுமுறை : போலீஸ் தீவிர கண்காணிப்பு
  
• ஊத்துக்கோட்டை அருகே டயர் கம்பெனி ஊழியர் மர்ம சாவு
  
• நிதி ஒதுக்கியும் பயனில்லை பூந்தமல்லியில் நவீன இறைச்சி கூடம் அமைக்க இடம் ஒதுக்க வேண்டும்
  
• சென்ட்ரலில் ரெய்டு : ரேஷன் அரிசி கடத்திய 3 பெண்கள் கைது
  
• மத்திய அரசை கண்டித்து அண்ணா தொழிற்சங்கத்தினர் தமிழகம் முழுக்க ஆர்ப்பாட்டம்
  
• திருக்கழுக்குன்றம் அருகே இரு சமூகத்தினர் மோதல்
  
• பணியில் இருந்த போது பரிதாபம் : திடீர் நெஞ்சுவலியால் இன்ஸ்பெக்டர் மரணம்