சென்னை: பூரண மதுவிலக்கை வலியுறுத்தி அனைத்து மாவட்டங்களிலும் நாளை மறுநாள் 6ம் தேதி ஆர்ப் பாட்டம் நடத்தப்படும் என்று மதிமுக பொதுச் செயலாளர் வைகோ தெரிவித்துள்ளார். இதுகுறித்து வைகோ வெளியிட்டுள்ள அறிக்கை: தமிழகத்தில் நடைபெறும் கொலை, கொள்ளை, கற்பழிப்பு உள்ளிட்ட அனைத்து கொடுமைகளுக்கும் மதுக்கடைகளே காரணம். எனவேதான், முழுமையான மது விலக்கை அமல்படுத்த கோரி, முதல் கட்டமாக கடந்த அக்டோபர் 2ம் தேதி காந்தி பிறந்த நாளில் தமிழகம் முழுவதும் உண்ணாவிரத போராட்டம் நடத்தப்பட்டது. இரண்டாம் கட்டமாக 6ம் தேதி காலை 11 மணியளவில் அனைத்து மாவட்ட தலைநகரங்களிலும் ஆர்ப்பாட்டம் நடத்தப்படும். மூன்றாம் கட்டமாக நெல்லை மாவட்டம் உவரியில் இருந்து டிசம்பர் 12ம் தேதி நடை பயணம் புறப்பட்டு டிச.25ல் மதுரையில் முடிவடையும். தென் சென்னை, வட சென்னை, காஞ்சிபுரம், திருவள்ளூர் ஆகிய மாவட்டங்களின் சார்பில் சென்னை மெமோரியல் ஹால் அருகே எனது தலைமையில் 6ம் தேதி காலை 11 மணியளவில் ஆர்ப்பாட்டம் நடக்கிறது. இவ்வாறு வைகோ தெரிவித்துள்ளார்.

• ஆசிரியர் தகுதி துணை தேர்வு : தேர்ச்சி பெற்றவர்களுக்கு நாளை சான்று சரிபார்ப்பு
  
• முல்லைப் பெரியாறு அணை : மராமத்து பணியை ஆய்வு செய்ய கண்காணிப்பு குழு இன்று வருகை
  
• திருவள்ளூரில் மழையால் பாதித்த பகுதியில் அமைச்சர் ரமணா ஆய்வு
  
• அனந்தேரி பேரிட்டிவாக்கம் சாலையை சீரமைக்க வலியுறுத்தல்
  
• திருவாலங்காடு சர்க்கரை ஆலையில் அரவை மெஷின் திடீர் ரிப்பேர்
  
• சேது சமுத்திர திட்டத்தை வலியுறுத்தி திமுகவினர் ஊர்வலம், துண்டு பிரசுரம்
  
• தீபாவளி பண்டிகை நெருங்குவதால் ரயில் நிலையங்களில் தீவிர கண்காணிப்பு
  
• வங்கிகள் மூலம் சொத்துவரி வசூலிக்கும் திட்டம் : மேயர் தொடங்கி வைத்தார்
  
• சம்பளம் கிரெடிட் ஆகாததால் சென்னை போலீசார் அதிர்ச்சி
  
• ஆந்திராவில் கனமழை சென்னை ரயில்கள் தாமதம்