மும்பை: ஆதர்ஷ் ஊழல் தொடர்பாக மும்பை மாநகராட்சியின் முன்னாள் கமிஷனர் வீட்டில் இன்று சிபிஐ அதிகாரிகள் ரெய்டு நடத்தினார்கள். மும்பையின் கொலபா பகுதியில் கார்கில் போரில் உயிர் நீத்த வீரர்கள் குடும்பத்துக்காக ஆதர்ஷ் வீட்டு வசதி வாரியம் 31 மாடி குடியிருப்புகளை கட்டியது. அதில் வீடுகள் ஒதுக்கப்பட்டதில் நடந்த பல்வேறு முறைகேடுகள், கடந்த நவம்பர் மாதம் வெளிச்சத்துக்கு வந்தது. கட்டிடம் கட்டப்பட்டதிலும் பல்வேறு விதிமுறைகள் மீறப்பட்டுள்ளதாகவும் குற்றச்சாட்டுகள் எழுந்துள்ளது. தனது உறவினர்களுக்கு வீடு ஒதுக்கிய விவகாரத்தில், அப்போதைய முதல்வர் அசோக் சவான் பதவியை பறிகொடுத்தார். மேலும் பல ஆதர்ஷ் சங்க மற்றும் அரசு அதிகாரிகள், அரசியல்வாதிகள், ராணுவ உயரதிகாரிகள் முறைகேட்டில் ஈடுபட்டது கண்டுபிடிக்கப்பட்டு விசாரணை நடந்து வருகிறது.

கடந்த ஜனவரி 26ம் தேதி, இந்த ஊழல் பற்றி சிபிஐ எப்ஐஆர் பதிவு செய்தது. அசோக் சவான் உள்பட 13 பெயர் அதில் இடம்பெற்றிருந்தது. இந்நிலையில் மும்பை மாநகராட்சி முன்னாள் கமிஷனர் ஜெய்ராஜ் பதக்கின் டெல்லி, மும்பை மற்றும் புனே வீடுகளில் சிபிஐ அதிகாரிகள் சோதனை நடத்தினர். ஆதர்ஷ் குடியிருப்பு கட்டியபோது இவர்தான் மும்பை மாநகராட்சி கமிஷனராக இருந்தார். இவர் மீது கட்டிடத்தின் உயரத்தை அதிகரிக்க, தனது அதிகாரத்தை பயன்படுத்தி முறைகேடாக அனுமதி வழங்கியுள்ளதாக குற்றம் சாட்டப்பட்டுள்ளது. இவர் தற்போது அரசு நிறுவனமான ஊரக மின் கழகத்தின் சேர்மனாக இருக்கிறார். எனவே இவரிடம் விசாரணை நடத்த மத்திய மின்சார அமைச்சகத்தின் அனுமதியை சிபிஐ கோரியுள்ளது.

• மக்களவையில் அரசு தகவல் : அணு மின் நிலையங்களுக்கு தீவிரவாதிகளால் அச்சுறுத்தல்
  
• நாடாளுமன்றத்தில் பிஏசி தலைவராக மீண்டும் ஜோஷி
  
• 5 ஆண்டுகளில் அனைவருக்கும் வீடு : அச்சுதானந்தன்
  
• மேற்கு வங்க தேர்தலில் காங்கிரஸ் - திரிணாமுல் பேச்சில் இழுபறி
  
• கேரளா தேர்தலில் காங்கிரஸ் வென்றால் யார் முதல்வர்?
  
• காசோலை கொடுத்தால் இனி உடனடி பணமாகும்
  
• காமன்வெல்த் முறைகேடு : கல்மாடியிடம் 2வது முறையாக சிபிஐ அதிகாரிகள் விசாரணை
  
• கணவர் - மாமியார் மீது சிரஞ்சீவி மகள் புகார்
  
• உள்துறை தகவல் மனித உரிமை மீறல் : முதலிடத்தில் உ.பி.
  
• நாடாளுமன்றத்தில் பா.ஜ. கடும் அமளி