| |||||
|
2012
18
Sep இஸ்லாமாபாத்: பாகிஸ்தானில் கடந்த 2007ம் ஆண்டு அதிபராக இருந்த பர்வேஸ் முஷாரப், அவசர சட்டம் ஒன்றை பிறப்பித்து முன்னாள் பிரதமர் பெனசிர் புட்டோ, அவரது கணவர் ஆசிப் அலி சர்தாரி மீதான ஊழல் குற்றச்சாட்டுகளுக்கு பொது மன்னிப்பு வழங்கினார். அதன்பின் நாடு திரும்பிய பெனசிர், தேர்தல் பிரசாரத்தின் போது சுட்டுக் கொல்லப்பட்டார். அந்த தேர்தலில் பாகிஸ்தான் மக்கள் கட்சி வெற்றி பெற்று ஆசிப் அலி சர்தாரி அதிபரானார். சர்தாரிக்கு பொது மன்னிப்பு வழங்கப்பட்டதை எதிர்த்து சுப்ரீம் கோர்ட்டில் வழக்கு தொடரப்பட்டது. சர்தாரி மீதான ஊழல் வழக்கை விசாரிக்க நடவடிக்கை எடுக்கும்படி பிரதமராக இருந்த கிலானிக்கு கோர்ட் உத்தரவிட்டது. அவர் நடவடிக்கை எடுக்காததால், நீதிமன்ற அவமதிப்பு குற்றத்தின் கீழ் பதவி இழந்தார். அதன்பின், கடந்த ஜூன் மாதம் ராஜா பர்வேஸ் அஷ்ரப் பிரதமரானார். சர்தாரி மீதான ஊழல் வழக்குகளை விசாரிக்க ராஜாவுக்கும் சுப்ரீம் கோர்ட் உத்தரவிட்டது. சர்தாரி மீது நடவடிக்கை எடுக்க அஷ்ரப்பும் மறுத்ததால் அவர் மீதும் நீதிமன்ற அவமதிப்பு வழக்கு தொடரப்பட்டது. 
மேலும் சில
| |
பிரதி எடுக்க
