ஜீன்ஸ் அணிந்த இளம்பெண் பாகிஸ்தானில் சுட்டு கொலை||Tamilmurasu Evening News paper

Untitled Document

Astrology, astrology chinese, chinese horoscopes, love astrology, Free daily horoscopes, weekly horoscopes, monthly horoscopes

முகப்பு --- உலகம்

2012

Jul

ஜீன்ஸ் அணிந்த இளம்பெண் பாகிஸ்தானில் சுட்டு கொலை

கருத்துகளை தெரிவிக்க

லாகூர் :ஜீன்ஸ் அணிந்த தங்கையை சுட்டுக் கொன்றார் போலீஸ்கார சகோதரர். இதனால் பாகிஸ்தானில் பரபரப்பு ஏற்பட்டது. பாகிஸ்தான் லாகூர் வசிப்பவர் ஆசாத் அலி. ஷாதரா போலீஸ் நிலையத்தில் கான்ஸ்டபிளாக பணியாற்றி வருகிறார். இவருடைய சகோதரி நஜ்மா பிபி (22). இவருக்கு ஜீன்ஸ் பேன்ட் அணிவது பிடிக்கும். இதற்கு ஆசாத் கடும் எதிர்ப்பு தெரிவித்தார். ஆண்கள் அணிவது ஜீன்ஸ் பேன்ட். அதை அணிய கூடாது என்று கூறினார். இதுதொடர்பாக இருவருக்கும் அடிக்கடி சண்டை வந்துள்ளது. ஜீன்ஸ் அணிவதை நிறுத்தாவிட்டால் கொன்றுவிடுவேன் என்று மிரட்டி உள்ளார். சகோதரனின் தொந்தரவு தாங்க முடியாமல், ஷாதரா போலீஸ் நிலையத்தில் புகாரும் தெரிவித்தார். இதனால் ஆசாத் கடும் கோபத்தில் இருந்தார். இந்நிலையில் கடந்த வெள்ளிக்கிழமை ஜீன்ஸ் அணிந்து நஜ்மா வெளியில் சென்றார். அதை பார்த்த ஆசாத், எத்தனை முறை சொல்லியும் கேட்கவில்லையே என்ற ஆத்திரத்தில் பின்தொடர்ந்து சென்று துப்பாக்கியால் சகோதரியை சுட்டுவிட்டார். இதில் சம்பவ இடத்திலேயே நஜ்மா பரிதாபமாக இறந்தார். இதுகுறித்து போலீசார் வழக்குப் பதிவு செய்து விசாரணை நடத்தி வருகின்றனர். தலைமறைவான ஆசாத்தை தேடி வருகின்றனர். இதனால் லாகூரில் பரபரப்பு ஏற்பட்டுள்ளது.