| |||||
|
2012
03
May  சென்னை :‘உங்கள் சொந்த இல்லம்’ திட்டத்தின் கீழ் காவலர்களுக்கு 36,000 வீடுகள் கட்டப்படும் என முதல்வர் ஜெயலலிதா தெரிவித்தார். சட்டசபையில் இன்று, பேரவை விதி 110ன் கீழ் முதல்வர் ஜெயலலிதா அறிக்கை ஒன்றை சமர்ப்பித்து, கூறியதாவது: ‘உங்கள் சொந்த இல்லம்’ திட்டத்தின் கீழ் காவலர்களுக்கு போதுமான அளவு வீடுகள் கட்டிக் கொடுக்கப்படவில்லை என்பதை அறிந்தேன். கடந்த 24.4.2012ல் பேரவையில் காவல் துறை மானியக் கோரிக்கை மீதான விவாதத்தின் போது, ‘காவலர்கள் ஓய்வு பெற்ற பின் அவர்களுக்கு சொந்த வீடு கிடைக்க ஆவன செய்ய இந்த அரசு ஒரு திட்டம் தீட்டி செயல்படுத்தும்’ என அறிவித்து இருந்தேன். இதன்படி, உங்கள் சொந்த இல்லம் திட்டத்தின் கீழ், காவல் துறையில் காவலர்கள் முதல் துணைக் கண்காணிப்பாளர்கள் வரையிலான பதவிகளில் உள்ளவர்களுக்கும், தீயணைப்பு மற்றும் மீட்புப் பணிகள் துறையில் தீயணைப்போர் முதல் நிலைய அலுவலர் வரையிலான பதவிகளில் உள்ளவர்களுக்கும் சொந்த வீடு கட்டித் தர தமிழ்நாடு காவலர் வீட்டு வசதிக் கழகம் நடவடிக்கை எடுக்கும். ஒவ்வொரு மாவட்ட தலைநகரிலும் 10 ஏக்கர் நிலமும், காஞ்சிபுரம் மாவட்டம், மேலக்கோட்டையூர் கிராமத்தில் 100 ஏக்கர் நிலமும் தமிழ்நாடு காவலர் வீட்டு வசதிக் கழகத்திற்கென ஒதுக்கீடு செய்து தரப்படும். கட்டுமானப் பணிகளை காவலர் வீட்டு வசதி கழகம் மேற்கொள்ளும். 
மேலும் சில
| |
பிரதி எடுக்க
