| |||||
|
2012
02
May  சென்னை :குடியிருப்பு பகுதியில் அதிக ஆழத்தில் தண்ணீர் எடுக்க தடை விதித்த ஆர்டிஓ உத்தரவை எதிர்த்து தொடரப்பட்ட வழக்கை ஐகோர்ட் தள்ளுபடி செய்தது. ஒசூரை சேர்ந்த குமாரவேல், தனக்கு சொந்தமான இடத்தில் 600 மற்றும் 900 அடி ஆழத்தில் போர்வெல் அமைத்து தினமும் 70 ஆயிரம் லிட்டர் தண்ணீரை எடுத்து, பல்வேறு வேலைகளுக்காக பயன்படுத்தி வந்துள்ளார். சுமார் 5 ஆண்டுகள் இந்த போர்வெல்களில் 10 குதிரை திறன்கொண்ட மோட்டார்களை பயன்படுத்தி தண்ணீரை எடுத்து வந்துள்ளார். இதற்கு அந்த பகுதி மக்கள் கடும் எதிர்ப்பு தெரிவித்ததுடன் தாசில்தார், கலெக்டர் உள்ளிட்ட மாவட்ட உயர் அதிகாரிகளிடம் புகார் கொடுத்தனர். அதிக ஆழத்தில் தண்ணீர் உறிஞ்சப்படு வதால் நிலத்தடி நீர் குறைந்து, எங்களுக்கு தண்ணீர் கிடைக்காத நிலை ஏற்பட்டுள்ளது. குடியிருப்பு பகுதி வழியாக குடிநீர் லாரிகள் செல்வதால், பொதுமக்களின் உயிருக்கு ஆபத்து ஏற்படும் நிலையும் ஏற்பட்டுள்ளது. எனவே, குமாரவேல் நிலத்தில் ஆழ்துளை கிணறுகள் மூலம் தண்ணீர் எடுப்பதை தடுக்க நடவடிக்கை எடுக்க வேண்டும் என்று புகாரில் கோரியிருந்தனர். இந்த புகார் குறித்து விசாரணை நடத்திய கிருஷ்ணகிரி ஆர்டிஓ, குமாரவேல் நிலத்தில் போர்வெல்கள் மூலம் தண்ணீர் எடுக்கக் கூடாது என்றும், தண்ணீர் எடுக்க பயன்படுத்தப்பட்ட சாதனங்களை அகற்ற வேண்டும் என்றும் உத்தரவிட்டார். 
மேலும் சில
| |
பிரதி எடுக்க
