நாமக்கல் : சமையல் எரிவாயு ஏற்றி செல்லும் எல்.பி.ஜி. கேஸ் டேங்கர் லாரி உரிமையாளர்கள் கடந்த 29ம் தேதி நள்ளிரவு முதல் ஸ்டிரைக்கில் ஈடுபட்டு வருகின்றனர். வாடகை உயர்வு, அனைத்து வண்டிகளுக்கும் வேலைவாய்ப்பு போன்ற கோரிக்கைகளை வலியுறுத்தி தமிழகம், கேரளா, ஆந்திரா, கர்நாடகா, புதுவை ஆகிய 5 மாநிலங்களில் ஸ்டிரைக் நடைபெறுகிறது. இதனால் சமையல் எரிவாயு வினியோகம் முடங்கியுள்ளது. 4000 எல்.பி.ஜி. கேஸ் டேங்கர் லாரிகள் ஆங்காங்கே நிறுத்தப்பட்டுள்ளன. 5 மாநிலங்களிலும் மத்திய அரசுக்கு சொந்தமான ஐ.ஓ.சி, பி.பி.சி, எச்.பி.சி ஆகிய 3 எண்ணெய் நிறுவனங்களுக்கு 9 சுத்திகரிப்பு நிலையங்களும், 50 பாட்டிலிங் பிளான்ட்களும் உள்ளன. சுத்திகரிப்பு நிலையங்களில் இருந்து டேங்கர் லாரிகளில் எடுத்து வரப்படும் சமையல் கேஸ் பாட்டிலிங் பிளான்ட்களில் இறக்கப்படுகிறது. தினமும் 10 ஆயிரம் டன் சமையல் கேஸ் பாட்டிலிங் பிளான்ட்களில் இறக்கப்படும். கேஸ் டேங்கர் லாரி ஸ்டிரைக் காரணமாக கடந்த 2 நாளில் 20 ஆயிரம் டன் சமையல் கேஸ் எடுத்து செல்வது பாதிக்கப்பட்டுள்ளது. இந்த வேலைநிறுத்தம் காரணமாக லாரி உரிமையாளர்களுக்கு தினமும் ரூ.3 கோடி வரை இழப்பு ஏற்பட்டுள்ளது.

இந்நிலையில் ஸ்டிரைக்கை முடிவுக்கு கொண்டுவர தமிழக அரசு முத்தரப்பு பேச்சுவார்த்தைக்கு ஏற்பாடு செய்துள்ளது. நாளை சென்னையில் இந்த பேச்சுவார்த்தை நடக்கிறது. இது குறித்து தென்மண்டல எல்.பி.ஜி. கேஸ் டேங்கர் லாரி உரிமையாளர்கள் சங்க தலைவர் பொன்னம்பலம் கூறியதாவது: தமிழக அரசின் நுகர்பொருள் வழங்கல் மற்றும் உணவு பாதுகாப்புத்துறை சார்பில் சென்னையில் நாளை முத்தரப்பு பேச்சுவார்த்தைக்கு ஏற்பாடு செய்யப்பட்டுள்ளது. இதில் கலந்து கொள்ளும்படி எங்களுக்கு அழைப்பு விடுக்கப்பட்டுள்ளது. சென்னையில் நாளை (3ம் தேதி) காலை 11 மணிக்கு பேச்சுவார்த்தை நடக்கிறது. ஏற்கனவே கடந்த ஜனவரி 18ம் தேதி இது போன்று நடத்தப்பட்ட பேச்சுவார்த்தையின் போது ஆயில் நிறுவன அதிகாரிகள் அளித்த உறுதி மொழியை ஏற்று ஸ்டிரைக்கை அப்போது வாபஸ் பெற்றோம். தற்போது மீண்டும் தமிழக அரசு பேச்சுவார்த்தைக்கு அழைத்துள்ளதுÕ என்றார்.

• கூடங்குளம் விரைவில் திறப்பு : மத்திய அமைச்சர் நாராயணசாமி தகவல்
  
• மின்வெட்டை கண்டித்து கஞ்சித்தொட்டி திறக்க முயற்சி கோவையில் 120 பேர் கைது : போலீஸ் குவிப்பு
  
• சங்கரன்கோவில் தேர்தல் பிரசாரம் சூடு பிடித்தது : வாகனங்கள் குவிந்ததால் போக்குவரத்து ஸ்தம்பிப்பு
  
• ‘ஹாட்’ விற்பனையை அதிகரிக்க டாஸ்மாக் கடைகளில் பீர் சேல்ஸ் நிறுத்தம் : குடி மகன்கள் அதிருப்தி
  
• கூடங்குளம் அணுமின் நிலையத்தால் சுற்றுசூழலுக்கு 1% கூட பாதிப்பு கிடையாது : அதிகாரி தகவல்
  
• கிருஷ்ணகிரியில் அதிகாலை விபத்து சிறுமி நசுங்கி பலி: 30 பேர் படுகாயம்
  
• திருமங்கலம் ஊராட்சியில் கழிவு நீர் கலப்பதால் நாசமாகும் கோயில் குளம்
  
• யானைகவுனியில் பரபரப்பு ஹவாலா பணம் பதுக்கியதாக வாலிபரை அடித்து சிறைவைப்பு
  
• இன்று 72வது பிறந்த நாள் அலங்கார ரதத்தில் பங்காரு அடிகளார் ஊர்வலம்
  
• தேர்வு மையத்துக்கு செல்போன் கொண்டு வந்தால் நடவடிக்கை : கல்வி அதிகாரி எச்சரிக்கை