நாகர்கோவில்: காற்றாலை மின் உற்பத்தி குறைவு காரணமாக, குமரி மாவட்டத்தில் மீண்டும் மின் வெட்டு அமல்படுத்தப்பட்டுள்ளது. தமிழகத்தில் கடந்த சில மாதங்களாக காற்றாலை மின் உற்பத்தி கை கொடுத்ததால் மின் வெட்டு இல்லாமல் இருந்தது. இந்த நிலையில் தற்போது மீண்டும் மின் வெட்டு ஏற்பட்டுள்ளது. குமரி மாவட்டத்தில் தினமும் 4 மணி நேரம் முதல் 6 மணி நேரம் வரை மின் நிறுத்தம் செய்யப்படுகிறது. தலா 2 மணி நேரம் கணக்கிட்டு ஒரு நாளைக்கு 2, 3 தடவை மின்சாரம் நிறுத்தப்படுகிறது. இது குறித்து மின்வாரிய அதிகாரி ஒருவர் கூறுகையில், தற்போது கோடை போல் வெயில் கொளுத்தி வருகிறது. இதனால் மின் நுகர்வு அதிகரித்த நிலையில், தேவையை சமாளிக்க மின் தடை செய்ய வேண்டிய நிலை ஏற்பட்டுள்ளது.

படிப்படியாக குறைந்து வந்த காற்றாலை மின் உற்பத்தி கடந்த ஒரு வாரமாக முற்றிலும் குறைந்து விட்டது.  ஒரு நாளைக்கு 100 மெகாவாட் ஆக இருந்த காற்றாலை மின் உற்பத்தி கடந்த இரு நாட்களில் வெறும் 25 மெகா வாட் ஆக குறைந்துள்ளது. இனி வரும் காலங்களில் மின் வெட்டு அதிகரிக்க வாய்ப்பு உண்டு என்றார். நவராத்திரி விழா, தீபா வளி, கிறிஸ்துமஸ், புத்தாண்டு, பொங்கல் என அடுத்தடுத்து விழாக்கள் வர உள்ள நிலையில் மீண்டும் மின்வெட்டு ஏற்பட்டு இருப்பது வியாபாரிகள் மற்றும் உற்பத்தியாளர்களை அதிர்ச்சி அடைய செய்துள்ளது. மின் வெட்டை சரி செய்வதற்கான நடவடிக்கைகளை தமிழக அரசு தொடங்க வேண்டும் என்று அனைத்து தரப்பினரும் வேண்டுகோள் விடுத்துள்ளனர்.

• நீதிக்கு தலைவணங்க வேண்டும் அதிமுகவுக்கு ராமதாஸ் கண்டனம்
  
• காமராஜரின் 40வது ஆண்டு நினைவு நாள் பேரணி: தனபாலன் அறிவிப்பு
  
• இலங்கை கடற்படை சிறைபிடித்த 20 தமிழக மீனவர்களை விடுவிக்க நடவடிக்கை: பிரதமருக்கு ஓ.பன்னீர்செல்வம் கடிதம்
  
• உடலில் வைக்கோலை சுற்றி நேர்த்திக்கடன்: மேலூர் கோயிலில் வினோத திருவிழா: ஆயிரக்கணக்கானோர் குவிந்தனர்
  
• சாய ஆலைகள் இன்று மூடல்
  
• ஜெயலலிதாவுக்கு சிறை கண்டித்து ஒன்றிய கூட்டத்தில் மொட்டையடித்த அதிமுக கவுன்சிலருக்கு கடும் எதிர்ப்பு
  
• வன்முறையை கட்டுப்படுத்த காவல்துறை தவறிவிட்டது: எச்.ராஜா கண்டனம்
  
• ஜெயலலிதா விடுதலை கோரி மீனவர்கள் 3000 பேர் ஸ்டிரைக்
  
• சேலம் மாவட்டத்தில் கனமழை: மின்னல் தாக்கி இருவர் கருகி சாவு: 27 ஆடுகளும் இறந்தன
  
• காமராஜர் சிலை திறப்பு விழாவில் காங்கிரஸ் மீண்டும் வலுபெறும் மல்லிகார்ஜூன கார்கே நம்பிக்கை