மீனம்பாக்கம்: ஈராக்கில் சிக்கி தவிக்கும் இந்தியர்களை மீட்டு கொண்டு வருவதில் மத்திய அரசு தீவிரமாக செயல்பட்டு வருகிறது. தினமும் ஈராக்கில் இருந்து தனி  விமானம் மூலம் இந்தியர்கள் பத்திரமாக அழைத்து வரப்படுகின்றனர். நேற்று டெல்லிக்கு வந்த விமானத்தில் 200 இந்தியர்கள் அழைத்து வரப்பட்டனர். அவர்களில் 17  பேர் தமிழகத்தை சேர்ந்தவர்கள். தமிழக அரசு அதிகாரிகள் வரவேற்று அவர்களை இன்று காலை 10 மணிக்கு சென்னைக்கு வந்த விமானத்தில் அனுப்பி வைத்தனர்.சென்னை விமான நிலையத்தில் அதிகாரிகள் வரவேற்றனர். உள்பகுதியிலேயே அமர வைத்து காலை உணவு கொடுத்து உபசரித்தனர். 13 பேர் மதுரை, சிவகங்கை,  ராமநாதபுரம் உள்பட தென்மாவட்டங்களை சேர்ந்தவர்கள். பிற்பகல் மதுரைக்கு செல்லும் விமானத்தில் அவர்கள் அனுப்பி வைக்கப்பட்டனர். 3 பேர்களான நாகமணி  (36), விஜயகுமார் (33), ராஜா (31) ஆகியோர் கட்டிட தொழிலாளர்கள், நாகை மாவட்டம் மயிலாடுதுறையை சேர்ந்தவர்கள். மற்றொருவர் சமையல்காரர் சண்முகம்  (37), மன்னார்குடி அருகில் உள்ள அழகப்பா சமுத்திரத்தை சேர்ந்தவர்.

இவர்கள் நிருபர்களிடம் கூறியது:ஒன்று, இரண்டு ஆண்டுகள் என கட்டிட வேலை மற்றும் சமையல் வேலைக்காக பாக்தாத்தில் உள்ள பக்ரா பகுதிக்கு சென்றோம்.  நன்றாக சம்பாதித்தோம். போர் தென்பட்டதும் சம்பளம் தரவில்லை. 4 மாதம் பாக்கி உள்ளது. போர் தொடங்கிய பின்பு நிறுவனங்களை மூடி விட்டனர். நாங்கள் இருந்த  பகுதியில் குண்டு வெடிக்கவில்லை. ஆனாலும் சுற்றுவட்டாரத்தில் கடுமையாக போர் நடந்தது. 24 மணி நேரமும் குண்டு வெடிக்கும் சத்தமும், மரண சத்தமும்,  அழுகுரலும் கேட்டது. அதனால் சம்பள பாக்கியை வாங்கி விட்டு சொந்த ஊருக்கு செல்ல ஈராக்கில் உள்ள இந்திய தூதரக அதிகாரிகளிடம் முறையிட்டோம். அவர்கள்  இந்திய விமானத்தில் அனுப்பி வைத்தனர். எங்கள் நண்பர்கள் 6 பேர் ஈராக்கில் காத்திருக்கின்றனர். அடுத்த நாள் விமானத்தில் அனுப்பி வைப்பதாக அங்குள்ள  அதிகாரிகள் கூறினர். நாங்கள் வசித்த நகரில் இன்னும் 400 தமிழர்கள் தவிக்கின்றனர்.இவ்வாறு அவர்கள் கண்ணீர் மல்க கூறினர்.

• என்எல்சியில் மின்உற்பத்தி பாதிக்கும் அபாயம்: ஒப்பந்த தொழிலாளர்களுக்கு ஆதரவாக நிரந்தர தொழிலாளர்கள் போராட்டம்
  
• சுங்க அலுவலர்கள் மீது புகார்: சென்னை துறைமுகத்துக்கு செல்லும் கன்டெய்னர் லாரிகளிடம் வசூல்
  
• நடிகை திருமணத்துக்கு பெற்றோர் எதிர்ப்பு: போலீசாரின் சமரசத்தால் பிரச்னை தீர்ந்தது
  
• மூன்றரை ஆண்டு அதிமுக ஆட்சியில் பொருளாதார வளர்ச்சியில் தமிழகத்துக்கு கடைசி இடம்: தி.மலையில் மு.க.ஸ்டாலின் பேச்சு
  
• பள்ளிப்பட்டு ஒன்றியத்தில் விசைத்தறி தொழிலாளர் தொடர் வேலை நிறுத்தம்
  
• திருவள்ளூர் மாவட்ட காங்கிரஸ் புதிய நிர்வாகிகள் ஞானதேசிகனிடம் வாழ்த்து
  
• குடிநீர் கம்பெனியை மூடகோரி மக்கள் திடீர் சாலை மறியல்: ஆவடியில் இன்று பரபரப்பு
  
• கல்வி தரத்தை உயர்த்துவதற்கு சென்னை விரிவாக்க பகுதி பள்ளிகளை மாநகராட்சியுடன் இணைக்க வேண்டும் மாணவர், பெற்றோர் கோரிக்கை
  
• கூடுவாஞ்சேரி ரயில் மேம்பாலம் விரைந்து முடிக்க போராட்டம்
  
• வீரராகவ பெருமாள் கோயிலில் திதி கொடுக்க மக்கள் குவிந்தனர்